Kafe-atsedenaldirako eta hamaiketakorako cateringa

Alaboca Catering enpresan kafe-atsedenaldirako aukera asko eta askotarikoak eskaintzen dizkizugu, Gasteizen.

Kafe-atsedenaldiak funtsezkoak dira mintegi, bilera eta hitzaldietan. Modu egokiena dira eten bat egiteko, goizean zein arratsaldean.

Ohiko aukerez gain, opil edota pintxoz osatuak, kafe-atsedenaldietarako aukera osasungarriagoak ere baditugu, zerealez, frutaz eta jogurtaz edota 0 KM-ko produktuz osatuak, denak bertakoak. Zure gonbidatuei izugarri gustatuko zaizkie.

Kafe-atsedenaldirako behar duzun guztia.

Alaboca Catering enpresan kafe-atsedenaldirako edo hamaiketarako behar duzun guztia dugu, baita mahaiak eta mahai-tresneria ere, zeinak konpostagarriak edo birziklagarriak diren. Hemen dituzu adibide batzuk, baina gustuko duzun beste edozein kafe-atsedenaldiko zerbitzua eskain dezakegu, fruta gehituz, edota beste edozein janari mota, beroa zein hotza, gazia zein gozoa.

Gure kafe-atsedenaldiko zerbitzu guztietan honako hau sartzen da:

  • Kafea, kafe deskafeinatua eta infusioak.
  • Esnea, esne gaingabetua edota sojazkoa, eta ur minerala.
  • Erabilera bakarreko zamaua, edalontziak eta zapiak, dena konpostagarria edo birziklagarria.

Halaber, behar dituzun gauza gehigarri guztiak ere jarriko dizkizugu, dena gutxieneko pertsona kopuru bat behar izan gabe.

Kafe-atsedenaldia: Klasikoa

Gure gosari tradizionalena, opilez osatua, goizerako egokia.

Opil txikiak aukeran: 2 croissant txiki, 2 napolitana txiki edo te-pastak.

Kafe-atsedenaldia: Mistoa

Gosari osoa, gozoa eta gazia aukeran, gustu guztietarako.

Opil txikiak aukeran: 2 croissant txiki, 2 napolitana txiki edo te-pastak, eta pintxo gazi bat.

Kafe-atsedenaldia: Business

Opilak eta pintxoak aukeran; pintxoetako bat, urdaiazpiko iberikoarena.

Opil txikiak aukeran: 2 croissant txiki, 2 napolitana txiki edo te-pastak, eta 2 pintxo aukeran: urdaiazpiko iberikoa piperrarekin eta pisto-tosta antxoarekin.

Kafe-atsedenaldia: Pintxoak

Pintxo zaporetsuz osatutako kafe-atsedenaldia, edozein unetarako egokia.

4 pintxo aukeran: urdaiazpiko iberikoa piperrarekin, pisto-tosta antxoarekin, sandwich begetala eta porru-entsalada otarrainxkarekin.

Kafe-atsedenaldia: Osasungarria

Gosari desberdina, osasungarria eta energetikoa.

Laranja-zuku naturala, mueslia, askotariko fruten burruntzia, jogurt naturala eta sandwich begetala.
Azukreaz gain, estevia eta eztia aukeran, baita soja- eta olo-esnea ere.

Kafe-atsedenaldia: 0KM

Guztiz bertako produktuekin osatutako gosaria.

Goya gozotegiko opil txikiak aukeran; patata-tortilla pintxo bat, Arabako patatarekin eta oilategiko arrautzekin egina, Añanako gatza gehituta, eta gazta (Idiazabal) eta menbrillo pintxo bat.